غداٌ . Tomorrow أمل دنقل

وغدًا..

سوف يولد من يلبس الدرع كاملةً،

يوقد النار شاملةً،

يطلب الثأرَ،

يستولد الحقَّ،

من أَضْلُع المستحيل

لا تصالح

ولو قيل إن التصالح حيلة

إنه الثأرُ

تبهتُ شعلته في الضلوع..

إذا ما توالت عليها الفصول..

ثم تبقى يد العار مرسومة (بأصابعها الخمس)

فوق الجباهِ الذليلة!

لا أنام لأحلم

لا أنام ..لأحلم

محمود درويش - فلسطين

لا أَنام لأحلم قالت لَه

بل أَنام لأنساكَ.

ما أطيب النوم وحدي

بلا صَخَب في الحرير،

اَبتعدْ لأراكَ

وحيدا هناك،

تفكٌر بي حين أَنساكَ/

لا شيء يوجعني في غيابكَ

لا الليل يخدش صدري ولا شفتاكَ...

أنام علي جسدي كاملا كاملا

لا شريك له،

لا يداك تشقَّان ثوب الملاك،

ولا قدماكَ

تَدقَّان قلبي كبنْدقَة عندما تغلق الباب/

لاشيء ينقصني في غيابك:

نهدايَ لي. سرَّتي. نَمَشي. شامتي،

ويدايَ وساقايَ لي. كلّ ما فيَّ لي

ولك الصّوَر المشتهاة،

فخذْها

لتؤنس منفاكَ،

واَرفع رؤاك كَنَخْب أخير.

وقل إن أَردت: هَواكِ هلاك.

وأَمَّا أَنا، فسأصْغي إلي جسدي

بهدوء الطبيبة: لاشيء، لاشيء

يوجِعني في الغياب سوي عزْلَةِ الكون

Damien Rice- I still havent found what i am looking for

يوميات ماش-هند-ايزر صغنون

يوميات ماش-هند-ايزر صغنون

بعد الشهر ألاول :

صباح الخير عليكم كلكم ...

عدى عليا شهر تقربيا فى الشغلنة المنيلة بنيلة دى مارشهندايزر..

الى ماعرفلها اسم عربى ... هع هعععع هععععععععععععععععع ...

عارف انى ميش بكتب من كتير ..اصلا... انا اخر مرة كتبت و محدش قرى ..

ولا فى اى فيد باك Feed Back منكم [قرائى الاعزاء] هع هع هع هع

ال ايه يعنى كان فى قراء اساسا علشان يبقى اعزاء .. انتوا كلكم عيال تيــــــت من الاخر ...

المهم انهارده 9 يوليو و ليسه مقبتضش . يا ولاد الذينا . هيعيط و حاسس انى اضحك عليا .. اعمل ايه دلوقتى .. البنك الى فتحاه امى .. خلاص بيشطب هع هع هع .. هو انا شغال علشان اجيب فلوس ولا علشان اخد فلوس ... زمن ما يعلم به الا ربنا... بعد كده ده لو فكرت اشتغل ... هكتب فى العقد .. ولا بلاش عقد اساسا .. بس هتفق ان المرتب يمشى بقانون الجاذبية [طازة بطازة ...مش تاتا تاتا] ... تانى خالص ...

صحيح .. نسيت اقولكم .. سبب انى ميش بكتب زى الاول انى مشغول جدا و بقيت رجل مهم ..لووووووولوووووىى [ زغروطة ] و بروح البيت قتيل ... و القاتل حر و طليق .. فى زمان العدالة بقيت تكيل بمكيلين...

مفيش داعى اتكلم بقى ... عموما لحد دقولتى مفيش جديد فى حياتى .. الروتين بدا يصحبنى .. و انا برفض سياسية التطبيع معه [ و مش هسلم و مش هنبيع ] .. الحمد لله انا بتعب بسرعة و من اقل مجهود ... بكون كمان جعان ..و محدش بيحس بياا ...غير عربية الفول الى ع الشارع بره .. كل ما اشوفها افرح فرح الصيام لما يفطر .. بجرى عليها .. تقلوشى بحبها 3>...

ودودو زى الصاروخ وفففففف ... طلعة نزلة ... عندها ضمير و قلبها ع الشغل .. ربنا يكرمها ..كل يوم لازم اقلب شنطتها ... و اضبط نفسى اهو تصبرة . لحد البريك Break time .

اخر حاجة قولتها ليها... يا بنت الناس ...من هنا ورايح .. انا افكر و انتى تنفذى . انا العقل و انتى العضلات ... و بسرعة قولها هتبقى العضلات قصدى اممممم..

قررت انى اكتب كل ثلاث ايام يعنى مرتين فى الاسبوع ...

ايون الجمعة اجزازة ...الله !!! .... هو انا ميش بنى اديم برضه ..

وكفاية عليكم كده انهارضه ..

و الى لقاء اخر ان شاء الله ..

يوميات ماش-هند-ايزر صغنون

يوميات ماش-هند-ايزر صغنون

اليوم الثانى :

كل حاجة . زى اول يوم نفس اللبس . نفس النظارة و نفس الشنطة (الفاضية) هع هع هع بس فى تغيرات بسيطة انا كان معايا الام بى ثرى .. و شغلته فى الباص ..و انهارده كان اول يوم للجماعة بتوع مستر أشرف حبيب .. و برنامج Merchandiser Tool لشركة برمجة اسمها IMS ,و اتعرفنا ع البرنامج و عرفنا شوية حاجات . و هكتب لكم الباس ورد و اليوسزر نيم .. علشان لو حد فاضى و عايز يخد فكرة .. و يشترى بكرة

User name : Rasha_comp1

Company : comp1

Password:123

بس يا شباب انا وثيق مل فوز !! يعنى الكلام ده بينى و بينك و بس هيشششش ..

اه صحيح ازاى تخدوا البرنامج هو ع النت .. Www.Myfactoy-garments.com

,و لاى استفسار كلمونى.. ماشى .. واى ابن تيتتتتتتت هيطلع السر ده بره هجيبه .. ها جيبه مش من قفاه ..

لا من حتة تانية .. و بنحذف للرقابة ..

عملت انا و دودو قص ل Fabric اسمه RIP الريب ده حاجة كده فشتشى .. تمسك القماش تلقيش زى الملبن فى ايدك ... كان لونه اسود و بدات المشورة يا معلم .. اطلع فوق فى القص . يقولى غير لى الماركر Marker ده... اساله طب ليه ...؟؟ يقولى انتا ميش هتفهم .. و خد منده كتيررر لحد ماتقول كفاية ... حرام ..

نازل .. طالع .. طالع ... نازل ... الحوار ده خد منى اد نصة كده !! عملت ماركر جديد و طلعتله .. و كان نفسى يقولى- غيره- .. و كنت بتلكك له . علشان يقولى –غيره- ... بس بهزة راس .. (راسه عملة زى فرع الشجرة الطويل المفرع ده ) ديما مايل ع الطريق .. ايون مدد لبره كده و كل العربيات بتسحله ع الطريق رايح جى ... و لو فى جحش معدى ممكن يت*رش بيه .. مش هتكلم ..انتوا عرفينى مش بحب اغلط فى حد .. و على ايه !! لا لا ابداااا ... اخد ذنوب على عامل حقير زبالة زى ده ... هع هع هع هع ..بئصره بقى..

نزلت لمستر مجدى.. مستر مجدى ده بقى كان مدير المصنع فى- OJT -و دلوقتى هو مدير التخطيط. كل شوية ينقوله فى حتة جديدة و هو اول واحد بيفهم فى صناعة الملبس . ايون الملبس =) رجل اديييييم .... جدا لدرجة انه بيحكى لى عن خبراته و قصص فشله . الى هو معتبرها قصص تاريخية ولا كانه صلاح الدين .. او ريتشارد قلب القطة ماوووو... تشوفه كده من هدومه تحس كانه متظبت على فريم المتحف الرومانى بالاسكندرية ..اكيد كنت متحمس جدا اعرف هو بيعمل ايه كمدير تخطيط ...

اسمعوا بقى : : :

يومه بيبدا بالنسكافين.. ابن عم النسكافيه .. يفضل يعمله فى نص اليوم و يشربه فى النص التانى .. تخيلوا علشان كده بيحط ورقة منديل فوق الكوبيه .. علشان يمنع اى حاجة من انها تقرب من الكوبيه .. لا بنى ادم ولا حيوان و هو ده ال -Emotional Intelligence-.. ولو حس ان فى حد باصص عليه و مركزمعاه بيفتح كشكول مش عارف سرقه من عيل لا ايه .. و يفضل باصص فيها ولا عمر الصفحة ما بتخلص .. شايفين التركيز . مل الاخر عمالة زيدة ..

طلعت صالة الانتاج فوق ..ع اخر اليوم كده .. لقيت ان فى اد 25 ماكينة خياطة ماركة KINGTEX و هى شركة معروفة فى ماكنية الخياطة المتطورة .. و الماكينات دى كانت محطوطة ع جنب ولما سألت عرفت انها Upgrade لخطوط الانتاجية .. وان خطوط الانتاج هتزيد يبقوا خمسة ..

فضلت افكر انا و دودو ليه خمسة عملنا اجتماع ( نص مغلق و نص مفتوح ع البحرى) .. ووصلنا للسبب بعد طول تفكير و تمحيص انه علشان عين الحسود فيها عود . و ان الخمسة خيمسة ..و الخمسة ف خمسة بخمسة وعشرين و الحسد مذكور فى القران اه...

دودو ( ماى كو وريكر )فى اخر اليوم بقولها اتفضلى الاول و احنا بنخرج مع العمال .. فى صف زى طابور العيش بالضبط ..كده كده كله مستعجل و مداد ايده ...و هى بتقولى تؤ .. قولتها يلا بقى .. قالتى تؤ --تؤ .. عارفك عايز تشوفنى و انا بتقرف . :رفعت جواجبنى : قولتها يا شيخة ولا يهمنى . المشكلة فى الاخر مش تخصنى .. تخص صباع حضرتك . و سعتها حسست انها بدائت تفهمنى صح !! أأأأأأأاوبه .. وبس كده

يوميات ماش-هند-ايزر صغنون

يوميات ماش-هند-ايزر صغنون

اليوم الاول :

صحيت بدرى . و نزلت الشغل . طبيعى جدا ..

كل المارة يحملون امال بان يتحاول هذا الشروق لغروب بخير و بأقل مشاكل ممكنة و بدون اى جزاءات... و هذا هو الهدف الاسمى لدى كل موظف ..ايون انا منهم .. هيه هيه .. هيه

ولكن هدفى انا ان اذهب للشركة و اروح بسرعة جداا علشان بجد بجد مقدرش ابعد عن سريرى . النوم يغلب على طبعى فى اول يوم عمل . يتخللنى شعور بين النشاط و الخمول ... يلا اهو يوم و كده كده هيعدى.. صبرت نفسى بكلمتين ...

و انتظرت اى اتوبيس رايح رمسيس . فى عجلة من أمرى . ركبت اتوبيس احمر .. استحسنت مظهريته .. اأأأترى التذكرة ب جنيه واحد بس اممم و انا اقول اتوبيس و نضيف .. غريبة دى !! .الكومسارى شافنى اوبه .. خبت بالتباعة الى فى ايده ع الممسك الحديد و رفع حواجبه لفوق و بيتوب .. و بينادى تذاكر يا حضرات .. بس كده .. اديه الجنيه .. يلا كله يهون فى سبيل النوم و الكسل .. كنت مجهز لسِتة كده فيها الحاجات الى عايز اعملها بعد الشغل . اولها اصلح ال ام-بى-ثرى . بما انى ميش هعرف استمتع بموسيقى الهادئة . و تانى حاجة هى انى ادفع فلوس النت .. بعد ما تليفونى كان هينتحر رننا .. من كتر المكالمات .. و انا مكبر الدى .. و مكعور الراء هع هع هع هع (عارف رخمة ) .. اه كلما لازم اتصل بأيه وهيما و رودى علشان اطمن ع امتحانتهم ... صعبنين عليا العيال مسحولة من مادة للتانية .. ربنا معاهم. كنت برضه كاتب انى لازم اشوف بقيت الورق النأقص فى الوظيفة .. من كعب عمل و فيش و تشبيه . و انى أصلى أصلى أصلى .. مانا ميش ناقص عم عزازيل يلعب معيا حورنى يا طيطا تانى فى سنوات العمل ..

وصلت ميدان رمسيس .. تحس انه فى نص ميته . معظم المارة من العسكر الى نزلين بدرى خوفا من انهم يتقفشوا من الشرطة العسكرية و اكشاكها ... و بعض العمم و الجلاليب الذين يعملون فى العاصمة المنتخفة منهم ..

لقيت الباص ( عربية سوزوكى) الى بيقولوا عليها تونية او كبسولة .. حسب المنطقة الى فيها العربية .. اما فى راى شركتنا المصونة فيبقولوا عليها باص .. باص باص يا عم .. هو الكلام عليه ضرايب ....(خايف يومياتى تضرب ف العالى و يعملوا قانون ضرايب ع الكتابة ) كان الباص .. (الى بالى بالك) ايون كده ركز معايا .. واقف و مستر عماد .. بيمسح الازاز الامامى . . . صبحت عليه و مديت ايدى اسلم عليه .. سلم عليا ساعاتها ركبت و ركبت و ركبتنى عباءة من الاطمئنان و الطمئنينة بقيت احسس لامواخذة ع الكورسى يااا (حلم عربيتى و اول مرة اشغل الكاسيت احتل نافوخى) فُقت ع رمى مستر عماد للقماشة المعفنة جنبى بعد ما غسل بيها الازاز امممم.. قعدت .. منتظر منتظر ... أأممم ابص يمين .. شوية و شمال حبة .. مش همنشى ...!! لحد ما بقيت الاخوة جم .. مسيز أسلام ( Merchandiser بالبركة كده ) بس هى انسانة عندها خبرة .. قولت فى عقل بالى يا ولا.. خليك لائيم .. و اتمسكن لحد ما تتمكن .. ماههاهاهاهااهاهاهااهااههاهاه ... يالهوى دنــــــا شرير اوى .. هع عه هع هع هع

..عموما الباص بياخد طريق الكورنيش و يعدى على مصر القديمة و يطلع ع الدائرى و يوصل فى حدود نص ساعة بالكثير احلى حاجة و اوحش حاجة فى نفس ذات الوقت .. ان مفيش حد بيكلم حد خالص و كل واحد فى حاله قولت امكن علشان ليسه محدش فايق عادى يعنى .. وصلت 8 الا 5 تقربيا ..

المصنع .. يااااااااااااااا حلمى ... يا الحمد لك يا رب . كانت على وجهى ابتسامة كده و فى عينى نوم عميق .وبسلم على كل الناس .اول ما دخلت روحت للاستقبال و قعدت.. اتذكر و اقول ياااااااا دنا طلع عين أمى علشان اجى هنا .. يا حلاوة يا ولاد ... مسيرها تروق و تحلى .. ربنا بيحبك يا واد يا منير ... علشان انتا ابن حلال ..

قعدت و قعدت و بعدين جت دعاء ع نفس المكان . تقولشى فى وصلة دش ما بينا .. و قلبين ع نفس البرنامج.

قعدنا نرغى و نرغى و نرغى .. و نرغى برضه زى النسوان اللتاتة .. مستنين مستر حسام الدين .. علشان نفهم ايه النظام .. ع الساعة 12 كده وصل .. و استلمناه بقى .. عرفنا منه اننا هنشتغل على برنامج مستر أشرف حبيب Merchandiser tool و نعمل Feedback , و نكتب Comments , و هنشتغل على Work study And Time study , و قال و بعدين نبدا نشتغل على Small orders .. بكده طفنا النار الى قيدة فى جتتنا .. انهارده عرفت ان الشركة الحمد لله حصلت ع الايزو .. و قالوا لنا ان وشنا حلو ع الشركة .. و سمعت كده طراطيف كلام .. اننا هنشتغل تصدير .. مش لوكل ( Local يا ناس يا لوكل يا شعبيين فككوا من الميكورباصات التانيين .. اأأأند كم أأأند كم ..و كمان فى ازمة عمال . و فى ظل ان المصنع هيشتغل Trail order لشركة براشكا الاسبانية . و اتفجنا ان مفيش مكتب ..مفيش كمبيوتر مفيش حاجة ... حاجة تفرس .. و من غير ما نسأل .. مستر حسام قال يومين كده و المكاتب توصل احنا طلبنا مكاتب ليكم و كمان اجهزة كمباروتر .. تعاملات الاخرين كانت غربية شوية .. سطحية او امكن انا الى زى العادة ديماااااا بتوقع معاملة افضل ..

واحد من العمال مش عارف انى فى قسم التخطيط و كنت بسأله عن المشاكل و كده قالى ..بالحرف الواحد ( الجاهابزة الى فوق ) ميعرفوش حاجة عن الى تحت ..افتكرت كلام مستر محمود الله يباركله ...

بعد الرست .. عملت جهاز البصمة . علشان و انا داخل اول مرة كنت فرحان اوى ..ان فى نظام حضور و انصراف ... غير الدفاتير و الروتين ده .. و امضى لى و امضي لك .. و دعاء كانت قرفنة تحط صوبعها زى بقيت العمال و قالتلى يـــع فى وشى كده من غير احم ولا دستور .. قولتها خلاص خلاص..

.انتى هترجعى فى وشى ...و ع الساعة تلاتة عصرا كان الموضوع تمام ..

و كان فى أطفال كتير و عيال بتجرى تحت رجلى طوال النهار ..و العيال زى الأستيك ميش بتقول لا لاى حاجة .. و دى كانت مشكلة كبيرة جداا .بس كده . =)